الشعر امانه

جـوي الليـلـه رواقـه فـوق فـوق

والونـاسـه طـالـعـه مـن فـوقهـا 

والشعر يلعب على كل الطروق

واحترت بـبـياته وزيـن طروقها

ودي افرض على شعري حقوق

وجمع الاثـمـان فـي صنـدوقهـا 

لـكن قـلبي خـلق طبـعـه شـفوق

يـقـول خـل الحـقـوق وسـوقـهـا

اكتـب وخلك بـما تكتـب صدوق

والصدق وحده يـجيب حقـوقهـا

الشاعر اللي قبـل يـكتـب يـذوق

كتـابـتـه تـحلا ويـعـلـى ذوقـهـا

الشعر امانه كل ماصنته يـروق

ونـفسي عزيـزه وانـا مـابـوقها

الاخلاق ثوبي وانا فيـه مخلوق

مـالي ومـال الجنـون ونـوقهـا

بقلمي