مــنـتــدى الــعــتــيــبــي alotebi montda

لاتـحاول تـقـنـع الجـاهل بـشىء تـصيـر مـثـله كـان ودك تـقنـعـه ولا تـصاحب مـن بوعده مـايـفي ولا تـضيـع احسـن اوقـاتـك معه وميـز كـلامك قبـل تـبدأ بـالحكي قول شىء انـت تـرضى تـسمعـه ولا تحاقـر شخص واللـه يـبـتـلي وارم خـلفـك كـل حـاجه موجعـه ولا تـسيـر بـدرب ضيـق ملتـوي وش تبا بالضيق وارض الله سعه ولا تـخـاف الا مـن الـلي معتـلي اللي خلق راسـك وقـادر يـقطعـه سبحـانـه الوالي ولا غـيـره ولي عـزنـا بـيـن الامم بـديـن شرعـه بقلمي

ماتدري ان الشوق لاجاك من تحت يـرد راسك تـحـت ورجولـك لفـوق الشوق بـعضه مـايفارقك لـو صحت حتى يـبيـح خـافي السد ويـروق امـا رفعـك لفـوق بـالعـالي وطـحت ولاخسفبك تحت مـافيك ملحوق سعود العتيبي

ما يهز الصادق الا نبض وجعہ لا عطى روحـه ودمـه وانجحد   مثل من يسقي ذياب وتتبعه والموت في جفنه ليـا منه رقد والوسيـعه كـلهـا مـاتـاسعه متثاقل وان طاح مـاحولـه احد لو نـدم حتى الندم مايـنفعه اه يـاليـل المـواجع وش بـعـد سعود العتيبي

ماكتبت الشعر ابمدح ضالمين ولا كتـبـتـه راجـي مـنـهـم عطـا موهبه من عنـد رب العـالميـن واصـونـهـا بـالصح مـاهو بـالخطـا مـامدحت الا الرجال الغـانميـن اللي بدرب الطيب ساروا بالخطا وامدح رجـال على تـقوى ودين والردي يـبـطـي ولـو انـه سـطـا مـاامدحه والله واحلف بـاليمين شعري لمدح الصقر ماهو للقطا سعود العتيبي

ياصاحبي لن كان مقصدك حاجه خذ حاجتك من دون تـكـذب عليه انـا شموخي فوق عـالي مـزاجه وعـزتـي بـالنـفـس دايــم قـويــه مـاخاوي الخبلان واهل الهماجه ولا اطـمـع يشىء مـاتجيبه يـديـه مـاقـول هـذا صـقـر ولا دجـاجه اجـربـه ويـبـيـن وقـت الـحـميـه بقلمي