الوفا ماوفالي
اجـيـك مـالقـى غـيـر تـنكيـد وصيـاح
صـار الـنـكـد قــدام بـيــتــك يــلالــي
واتـركـك وابـعـد مــاتـخليـني ارتــاح
وان قلت ويـن تـقـول مـالـك ومـالــي
مـقصـر بـواجبـك وفـالمطاليب لحـاح
خـلـك عـلى كـيــفـك بـدنـيـاك سـالــي
يـمـكـن مـع الـعـالـم تـريـح وتـرتــاح
لو كل شخص إليا عطيـتـــــــه وفـالي
مـاكـان بــ الدنـيـا حـزن ليـل وجـراح
ولـو كل غالي قدّر إحــــــساس غـالي
مـاشفت ذاك الدمع من مـحجره ســاح
ولو كل قلب من الحـــسد جـاك خـالي
مـايـشتكي من "شحّ الأمـطار" فـــلاّح
ولو كل واحدجاك طبــــــــــعه مثـالي
ماكان بــ الدنيـا سجـن نـاس وإصلاح
ولولا الذنـوب اللي بـكبر الجبــــــالـي
ماكان "جيش الكفر" لــ بلادنا إجتـــاح
ولو الردي يـعـرف شــ معنى عيـــالي
ماقطّ أبوه بـــ دار الآلآم يـــــــا صاح
هـذا بـعض "حـزن السنـيـن" التـوالـي
طيـر الحزن مبطي على خـافـقي نـاح
مـا أقـول أن الخيـر مـالـه مجـــــــالي
لآ والذي يفلـق مـن الـليـل الإصبــــاح
لـكن هـنا بـعض "الألـم" يـاحـــــلالـي
وأنا أدري أن العود يـوم أحتـرق فـاح
أول أقـول إنـي صبـور وشمـــــــالـي
والـيـوم لآ والله أنـفجـر سـدّي وبـــاح
يـوم انـشـدك سـمـعـت مـالـك ومـالـي
هـذا أنـتـه الـلـي قـلـتـهـا نـام مـرتــاح
تعليقات
إرسال تعليق